回應 Timothy 要求, 公開緬甸圖片

　　Timothy, 收到你既郵件, 睇到一頭霧水, 響邊度加相呢? 加咩相呢? 今日先至發現, 原來係響我哋個 blog 度加相, 好, 咁就加啦, 仲要加大佢添, 點樣加大, 除咗Timothy 影既"電兔濠" 罪証外, 還有 Chun 拍得亞濠既罪証一張及 Timothy 與長頸族照片一張, 大家欣賞完比下意見啦!!

5 個回應

2010年9月18日壩上草原秋色攝影九天之旅已成團 !!

　　各位團友, 今年9月18日既壩上秋色九天攝影團雖然價錢仲未出街, 但是已經成團啦 (即係話報名兼交咗訂金既人數已經超咗9位, 其他參加既團友, 只可享用 "鍵泰Friends Club " 會員優惠囉!), 非常感激各位既支持, 要報名就儘早啦! 都係果句, 額滿即止. 多謝多謝!!
　　
　　圖片講解:去年本人英姿颯颯騎著馬前往將軍泡子沿途拍的一圖照片, 正好作為此團之謝票相片, 哈哈

8 個回應

復活節旅行團預告

　　各位老細, 新年好, 依家先至得閒同大家拜年, 祝大家身體健康, 萬事順意, 最緊要搵多d錢......可以同我哋一齊去旅行吖馬!!
　　
　　呢幾日收到團友從各途徑追查我哋復活節有咩活動, 請放心, 復活節旅行活動非常多, 有長線, 有短線, 有直航香港出發, 有深圳機場起飛 (因為4月1日至4月5日香港起飛之機票全部都有好大既加幅呀), 又有啱啱好用晒果5日假期既, 又有提前d出發或者係遲d返黎既, 但是內地仲係過緊七日黃金週假期, 無人返工, 仲未問到機票價錢, 部份路線又要重新報價, 所以, 請大家放心同埋比少少耐性, 下個星期內全部搞掂, 唔好亂報其他呀!!
　　
　　啱啱農曆年去咗粵北四天團, 冷空氣南下, 幾日唔使換衫, 因為日日著住件(假)羽絨外套, 凍成點, 比d相大家睇下先. (不過見到咁多鞭炮既痕跡, 都覺得好開心呀)
　　
　　仲有, MeMe仔都特登著番件賀年衫同大家拜年, 祝大家發多d新年財, 心想事成, 萬事勝意!!
　　

加入回應

怎樣才飛??

　　上月底出咗個台北三天團, 出發坐國泰航空班機, 大家一早坐晒埋位, 綁埋安全帶, 準備出發啦, 點知突然聽到機長話 "飛機零件故障, 現正進行維修, 約需延誤1個鐘頭......" 吓! 都無計啦, 唯有等囉, 等咗45分鐘, 聽到機長又話 " 完成維修, 可以起飛啦!!" 大家都好開心, 點知坐到中途, 又聽到機長把聲, 話 " 依家響飛機既左邊機翼會拆除一d零件, 不過唔好影響飛機飛行......" 吓!!! 唔係掛, 國泰喎, 咁都得, 到底係拆咩零件, 會唔影響飛機飛行呢, 如果唔影響, 點解又要依家拆呢? (當然以上廣播, 我係通過空姐用廣東話轉述啦, 我就肯定無聽錯, 佢有冇翻譯錯, 我就唔知啦! 但是當時佢都講到口窒窒呀).
　　
　　今日 Sam 哥搵我, 話啱啱換 bldg, 叫我睇下, 令我回想番果日既國泰空中奇遇記, 呢個真人真事講吓比大家聽, 大公司唔係一定好既, 如果有心去做既, 細公司都係好掂呀 (好似讚緊自己添! 哈哈)
　　
　　大家如果有時間, 不防又 click 入去 Sam 哥既 blog, 睇下咩係 " 怎樣才飛" 吖!!
　　
　　http://hk.myblog.yahoo.com:80/jw!V_VRUeiBERqQze1BkiGs/article?mid=1666

2 個回應

2月13日迎虎年渡情人節

　　好開心好開心, 跨年賀歲團陸續出發,
　　明天(09/2), 亞濠同9位團友一齊去緬甸過年, 會去仰光, 曼德勒, 蒲甘同埋茵萊湖十一天, 亞濠前幾日突然胸椎移位呀, 睇咗幾日醫生, 好番八九成, 團友多多照顧佢啦!!
　　後天(10/2), 亞凱將同18位團友一齊去雲南過年, 當然係去羅平, 興義同埋元陽梯田春耕攝影啦, 希望大家今年能夠響元陽梯田撥開雲霧見青天啦!!
　　咁我去邊? 當然係2月13日出發既連州瑤寨, 廣寧竹海春節攝影四天團啦, 會同大家一齊去粵北連州地區過年, 迎虎年兼共渡西方情人節, 真興奮.
　　
　　到時驚忙到唔得閒同大家拜年, 所以依家響度先預祝大家日日身體健康, 心想事成, 萬事順意...... (總之係好意頭既祝福, 都響度比晒大家)!!
　　
　　醒番張 Vincent 兄提供既 巾峰(梯+田)既作品比大家睇下, 風景好靚呀, 幫巾峰梯田同小雲平反下先 (講緊咩? 有去既朋友就明呀啦!!)

6 個回應

[1]...[9][10][11]...[23]