12月6日 " 鍵泰Friends Club " 一年一度聚會終於最後定案啦!!

　　各位會員 : 由即日起，"聚龍Friends Club"易名為"鍵泰Friends Club" (聚龍個名有D 不正面啦，所以唔用啦!)
　　12月6日 "鍵泰 Friends Club"一年一度會員聚會，經過周詳既考慮因素，最後終於拍板行程啦，景點有東莞塘尾明清古村落及茶山南社古家祠家廟，下午再去廣州黃埔軍校舊址及西關大屋。美食有東莞半魚宴午餐 (即係有一半菜式用魚作為烹調材料呀，菜名費事寫比你啦，驚你留口水呀!)，晚餐係花都既蒸汽火鍋自助晚餐，免費飲料提供，生猛海鮮美食，任飲任食 (海鮮期期唔一樣呀，之前講既飽魚果d，呢輪話無咁多啦，實質要到時候睇下有冇，不過一定要其他好多既海鮮既，我哋會之前一兩日再去睇下既，放心啦!)，最緊要既係問：幾錢呀? 位位港紙238.00 (唔好用人民幣呀，又唔好比夠240呀，講意頭吖馬!)。
　　
　　由於好多好多人信口開河或者係比面派對咁同我留咗位 (當然大部份都係真心留位啦)，唔該各位團友，儘快填番份報名表比我哋，確認之後就入數啦 (今次唔好公司業務一部份，因而唔好入數去公司戶口呀，入數比我啦，我唔會走路呀!!)，快D比番張報名表我啦，好多人留咗位呀! 好驚唔夠位招呼各位有心人呀! 　
　　

加入回應

Sam 哥 " 胡楊金秋 " 作品分享點滴

　　早晨, 今朝一番公司, 即刻收到 Sam 哥既胡楊金秋作品既email, 非常靚, 非常靚, 比大家一齊分享下, http://hk.myblog.yahoo.com/jw!V_VRUeiBERqQze1BkiGs/article?mid=1869&prev=-1&next=1766
　　
　　
　　各位團友如有興趣, 約埋一齊食餐晚飯, 一齊睇相分享下旅途點滴既, 可以聯絡我哋呀, 你哋自己決定啦 !!

6 個回應

11月8日 壩上草原秋色攝影睇相連晚宴

　　Hi, 前排真係忙到暈暈地, 都無得閒同大家 "聊聊天" , 今日得閒D, 同大家通告下最新活動先 :
　　
　　今年壩上草原秋色攝影團既團友, 自發組織咗 "壩上草原秋色攝影團睇相連晚宴, 日期為11月8日(星期日), 地點都係開茶會果度 (即係海關高級官員會所), 時間係下午6時開始啦, 費用每位 HK$ 200.00, 當然場內會提供投影機, 可以用手提電腦播放壩上精彩圖片(如果要播幻燈, 早D通知我, 我要去睇睇部機先), 大家一齊回味一下果九日既歡樂時光. 人數依家已經有二十幾人呀啦 (即係一定成行啦!), 如有興趣, 請發郵電 carmel@kingtoptravel.com 回覆 (我去唔去? 唔使問啦, 緊係你去我咪去囉!)
　　
　　晚宴內容 :
　　杞子籠仔蒸海生蝦, 富貴花姿珊瑚, 招牌蒜香骨, 鮑螺片扒碧綠, 原盅燉海中寶, 翡翠炒海斑球, 清蒸海斑頭腩, 香穗蔥油雞, 瑤柱蛋白炒飯, 什菌炆伊麵, 香甜桂花糕, 鮮果拼盆, 啤酒汽水12罐.
　　
　　其他團友有興趣, 當然都歡迎一齊參加啦!! 等緊你哋報名呀 !!
　　

加入回應

全力以赴 -- 壩上秋色之旅

　　依家係9月19日零晨2點鐘, 我依然留響公司努力奮鬥, 點解? 因為天光就要去壩上九日啦, 但是手頭太多工作兼顧, 所以要開一個通頂 (其實開咗好幾個, 只不過係響屋企開啫),年年都好喜歡去壩上影相, 但是年年出發都好擔心呀, 都係恐防行程中有咩預計唔到既失誤啦, 希望今年好似以往一樣, 有驚無險, 開開心心完成旅程啦!!
　　
　　
　　同期仲有北疆秋色攝影十三天團同埋阿爾山額爾古納莫爾道嘎向海丹頂鶴秋色攝影九天直航團, 希望個個團都順順利利啦, 阿爾山比較少朋友認識呢個地方, 又等我哋既領隊拍番一輯片返黎介紹下比大家一齊欣賞啦, 國慶再見啦 !!!

1 個回應

幾時出12月6日聚會行程??

　　Hi, 早晨, 越來越多團友留位參加12月6日既聚龍會友 (參加過鍵泰旅遊旅行團既團友) 一年一聚, MeMe仔話好開心呀, 叫我響度同大家講聲多謝支持!!
　　
　　個個都問緊幾時出行程同埋價錢 (要錢呀!), 有D團友仲話要睇咗行程先至決定喎 (因住為時已晚呀!), 行程同埋價錢要過咗10月先至出呀, 驚住一出就仲多電話打黎問嘢, 你知啦, 依家到10月尾都係我既超級黃金月吖馬, 邊有咁多時間分身去處理12月既工作呢, 比 D 耐性啦, 再唔係既, 報住名先, 等到行程同價錢出咗之後, 唔想去既, 咪再通通知我囉!!

加入回應

[1]...[12][13][14]...[23]