在我的生命中, 經歷過一個又一個的挫敗, 卻是成功的原因.

　　Hi, 早晨, 日日返工都睇番份報紙 (免費), 今日有則講美國總統奧巴馬先生響一個學生講座講述做人既態度, 我覺得有句說話講得幾好, 響度同大家分享一下 " I have failed over and over and over again in my life. And that is why I succeed. 在我的生命中, 經歷過一個又一個的挫敗, 卻是成功的原因." (應該無抄錯掛). 每日我哋都有唔同既挫敗, 對我黎講, 例如係:追唔到機位啦, 追到機位個客又唔要啦, 旅行團因某種原因要取消啦等等!! 呢 d 都係我每日可能會遇到既一個又一個既挫敗, 但是我每日瞓醒覺臨出門口之前, 都鍾意照鏡, 望住自己個樣同自己講 "今日係掂既" (講到自己都覺得真係會掂先至出門口, 咁就自然會開心面對今日既人生啦!!
　　
　　劉德華係我偶像, 欣賞佢做人既態度 (特別係打麻雀悟人生, 好受用). 甚少時候聽到有人講佢壞話, 近排因為保障自己多年既私隱, 居然引黎惡意又無中生有既批評, 用上我今日抄既呢句 "在我的生命中, 經歷過一個又一個的挫敗, 卻是成功的原因. " 比佢啦, 應該都好啱用既!! (希望你哋都啱用啦!), 不過其實都好想果 d 話佢係 "大話天王" 既人, 撫心自問 "自己咁大個人, 又有冇講過大話呢! 好有苦衷咁講咗大話, 又比人咁樣話自己, 自己個心又點諗呢!!"

1 個回應

這根本是一張連環殺手的臉

　　有時返工無聊時會上網睇下blog,見到d得意嘅圖會"capture"落嚟比自己.久而久之,會有一大堆得意圖.呢張印象好深,己唔記得响边個blog,揾到...但當時見到即時入腦,除標題外,仲補一句"留意對忽得眼,愛死佢" ... 嘩,果真高人,能夠由咁正面嘅嘢,扭到咁反面,呢招有排學.....
　　

加入回應

煩音

　　己很久沒聽你的聲音了,
　　以為已淡然...
　　
　　再聽見
　　愕然火爆性格再顯現,
　　
　　是你挑動我的情緒?
　　我不知道
　　
　　或許，
　　將你鎖在三十五分二十七秒是我最大的心願...
　　
　　

加入回應

12月6日團友聚會最新消息

　　Hi, 今朝收到 Rita 既電話, 問起我關於佢報咗12月6日既團友聚會一天遊既跟進情況, 佢日日check email, 都唔見消息, 驚我漏咗佢個位呢!! 咁我又順便響呢度同大家講下啦. 雖然仲未出行程同埋報價 (驚住一出就滿晒, 都唔敢出住啫!), 但是報名人數已經超過一半啦, 凡係send咗email 比我, 或者響我哋個 blog 度同埋響 "你問Me答" 度留咗言話留位既朋友都唔使擔心, 留咗位比你哋呀啦, 等我出咗行程就會第一時間通知大家比錢呀啦 (放心喎, 我唔會見多人報名就加價既, 話明係團友聚會吖馬!!), 但是仲未報名訂位既團友, 小心額滿即止呀!!
　　
　　
　　仲有仲有 : 亞濠既瞓矮頸已經好番八八九九啦, 多謝大家關心, 可能因為自己幫自己轉腳趾公, 唔可以伸直隻腳黎轉, 好得無咁快, 如果去一轉深圳, 應該會好晒添呀 !! (哈哈哈 ^=^ ^=^)

6 個回應

瞓厲頸

　　厲頸第3日，已忍痛忍到認為係時候揾跌打佬lock一lock頸,或睇西醫,開鬆筋藥食一食會好d....
　　
　　"叫左你啦!!我聽人講,左邊瞓厲頸,出力一掌右邊"車"落塊面到,ok喎!最多我幫你!!" 口痕同事不停說....
　　
　　對於此等有病該要飲符水;食香爐灰式建意,通常我都會默不作聲,點點頭,報以一個慧黠的微笑...
　　
　　"well" 上網check,睇下有無好辦法...勢估唔到,瞓厲頸原來有得醫~方法是:抬起腳,將腳指公以順時針或逆時針按摩轉動,即可大大舒緩痛楚,咁都得?認真吹脹!!

2 個回應

[1]...[13][14][15]...[23]