閘波漁港南海觀漁節兩天團圖片欣賞再一回

各位團友, 早兩日又收到呢個團既另一位團友 YoYo 提供咗佢拍既閘波漁港兩天團既照片.

http://www.fotop.net/yoyoiu/gdzhabo2010?page=1

其他團友, 都可以提供圖片黎呢個平台一齊分享, 與眾同樂吖馬! 如果提供相片 Link 既朋友, 最好加多一張相響附件度, 咁就可以更加吸引啦 !!

2 個回應

甘南川北草原青海省年保玉則九天團圖片欣賞第一輪

甘南草原九天團團友施君頭先email比我, 話見到 Sam哥開漁節d相好 "正" , 又知道大家都玩得好開心, 都想大家分享下佢地甘南草原九天團一樣玩得好開心, d相一樣咁"正" , 所以又比條 Link 大家欣賞下 :
http://picasaweb.google.com.hk/seekwanon/201002?feat=directlink#

其他團友都可以提供相片或者網址我哋呀, 有相同睇吖馬, 唔使驚技術問題, 我哋呢個平台係共同欣賞, 唔係圖片比試既 (哈哈, 不過我果d就真係太差啦, 無辦法放上黎, 唔好見怪唔好見怪!!)

1 個回應

閘波漁港第八屆南海開漁節慶典兩天團回顧!!

早晨呀, 係咪覺得好奇怪, 點解上個星期既閘波兩天團, 返咗黎成個禮拜都無相睇,又無見到我響度寫番幾隻字比大家講下嘢呢? 有咩諗法呀? 係咪諗緊會唔會係d團友玩得唔開心, 無相交呢!

緊係唔會啦 (呢個純粹係我個人既諗法), 只係呢個星期太忙啦, 早兩日本來寫好咗, 點知個網站又唔知點解放唔到相, 所以等到今朝先至搞得掂.

兩天團行程當中, 團友都反映話赤坎古鎮好 "正", 影相時間唔夠, 放心放心, 我哋仲會再安排去呢個地方再影過, 仲會放排下閘波影帆船出海添. 你哋等我呀!!

致於果日我點解無行到呢個古鎮呢, 相信有份去呢個旅行既團友都知, 我果日淨係掛住比 "民間神醫" 整治緊我突發既皮膚敏感, 真係連條橋都無行過去, 激死. 不過可以響呢度順便同d知情人士滙報, 神西果兩支鐵打酒真係醫得掂我d突發性既皮膚敏感, 香港中醫, 西醫, 藥膏全部都無效, 就比兩支鎮痛鐵打酒搞掂, 又比我見識到呢個世界其實真係好大好大好大.

唔講咁多住, 比咗 Sam 哥d相大家睇下先, 自己 click 入去啦 http://hk.myblog.yahoo.com/jw!V_VRUeiBERqQze1BkiGs/article?mid=2730

加入回應

閘波漁港第八屆南海開漁節慶典兩天團 有A 同無A有咩分別 ?

各位今個星期六見既團友, 可能我寫廣告太過含蓄啦, 搞到越來越多人誤會我添, 有必要響度澄清一下先.

閘波兩天團, 團費 HK$ 950.00 一位既, 就係住海景房 (會員優惠HK$ 50.00). 由於額滿之後, 仲有好多團友都想參加, 所以加開咗一個...... 下面繼續睇

閘波兩天A團, 團費作出咗少少心意優惠,減咗30蚊, 即係 HK$ 920.00一位 (當然都係有會員果HK$50.00優惠啦), 並非海景房 (即係無得對住個海瞓覺囉!)

即係如果你比咗HK$ 950.00 或者 HK$ 900.00 一位既, 你就係用海景房囉. 如果你比咗HK$ 920.00 或者 HK$ 870.00一位既, 你就係用非海景房囉!


明嗎 ? (我又唔可以再講白d啦, 唔明就打比我啦!! 唔該)


星期六見, 請準時呀!!

2 個回應

閘波漁港第八屆南海開漁節慶典兩天團, 請回覆上車地點啦!!

各位參加咗閘波漁港第八屆南海開漁節慶典兩天團既團友請注意, 今日陸續出緊電郵比大家, 提醒大家幾樣野 :

1. 星期六集合地點及時間

2. 再次提醒請準時 (團隊精神吖馬)

3. 出外旅遊, 購買個人旅遊保險, 以應不時之需.

如果收唔到郵件既, 記得打個電話比我;收到郵件既, 記得覆番比我 (口頭覆咗既朋友例外)

2 個回應

[1][2][3]......[23]