5月21日 湛江茂名陽江新會漁港風情三天團已成團啦, 報名請快快快! 額滿即止.

　　各位團友, 5月21日至23日 (三天假期) 湛江茂名陽江海陵島漁港風情三天團由於得到大家鼎力支持, 出咗行程幾日就已經成團啦, 要報名既朋友請儘快啦, 額滿即止呀.
　　
　　湛江一帶最出名係海鮮, 平+靚+正, 夜晚出去食宵夜又多選擇, 快d報名, 同時又同大家一齊去玩啦!!

17 個回應

三水荷花世界今年搞擴建, 封咗一半景區

　　各位各位影友, 大件事, 啱啱八到 (可能好多人都知, 係我遲發現啫!) 三水荷花世界景區今年玩擴大改建, 封咗一半景區, 仲話預計要整到出年5月添, 當然, 園區照舊開放 (有門票收吖馬), 知情人仕話:影相發燒友就無謂啦, 費事累我比人鬧喎 (我肯定鬧死佢), 所以今年暫時唔會安排三水荷花世界攝影團啦!! 但是網上資料我都未搵到, 邊位大哥有資料既, 唔介意就比d通訊過黎吖!

5 個回應

4月27日濠哥帶領首團團友出發前往霞浦全方位拍攝啦!!

　　2010年第一團 "福建.霞浦--寧德灘塗全方位攝影五天直航之旅" 即將於下個星期二出發啦, 首團領隊係濠哥, 響度我哋預祝首團拍攝順利, 仲有少量名額, 要報名就最後衝刺啦!!
　　
　　記住我成日講果句:講咩都得, 講個天就唔得. 讚唔得, 會好似D Baby咁 (小氣), 鬧都唔得, 會好似屋企D仔女咁 (鬥氣), 一切隨緣, 一定有好作品既.

20 個回應

藏東九天團團友提供作品第二回

　　好開心好開心, 又有兩位團友 send 咗比條Link我睇佢地d作品呀, 第一位係Dodie, 雖然佢最後2天行程無去到直白村, 但是前面幾日既行程景觀都係一個好好既回憶 (佢家姐話已經同Dodie約好咗要再戰西藏啦, 不過, Dodie, 記得搞番掂條腰先喎!)
　　http://www.facebook.com/album.php?aid=167098&id=669982832&l=aecff8c29d
　　
　　http://www.facebook.com/album.php?aid=167106&id=669982832&l=6d77a74ddc
　　
　　http://www.facebook.com/album.php?aid=167113&id=669982832&l=cedfa04d22
　　
　　http://www.facebook.com/album.php?aid=167116&id=669982832&l=c8da89e59d
　　
　　另一位係伍姑娘,一位絕對百分百既幸福老闆娘,有佢響度,成個團既氣氛都開心晒, 多謝你!
　　
　　http://picasaweb.google.com.tw/ngshuifong/fTVkIK?feat=email#
　　
　　http://picasaweb.google.com.tw/ngshuifong/TZfRGH?feat=email#
　　
　　唔好睇少呢個幸福老闆娘呀, 作品都相當有水準呀!!
　　
　　見到大家咁高興, 等我Meme仔都整張人像比大家欣賞下先, 呢張相背景係江河滙合處, 即係雅魯藏布江同埋尼洋河既匯合處.

2 個回應

林芝圖片集出籠啦!! (部份團友作品)

　　呢幾日, 陸續收到" 藏東林芝波密然烏察隅雅魯藏布大峽谷野桃花九天團 " 既團友圖片送到, 真係好靚, 令我又回憶番果九日行程, 沿途所見, 係我無諗過會見到既景色, 沿途遇到既天氣, 係我無諗過既天氣, 咩叫做 " 一日走四季, 十里不同天" 真係有呢樣野呀 (雖然呢幾日香港都係一日走四季咁既奇怪天氣 ) , 襯住呢個平台, 將團友比我既相集比大家一齊欣賞, 引下大家出年同我一齊再戰林芝.(佢地比得我, 應該都唔介意我響度公開掛, 有福同享吖馬).
　　
　　首先多謝Olivia, 好有效率, 我未返到香港, 已經收到妳既大作, 仲有個個都驚你無位放而delete 咗既團體相添 (各位團友要集體相既, 就自己響度搵啦!)
　　https://www.photoshop.com/user/oliviagallery
　　
　　第二位要多謝既係我同房 Cheryl (因為同我同房, 減少咗你既休息時間添!) 雖然妳用既係細機, 但是亦能拍出旅途既景色同埋點滴, 所以話:有靚景, 傻瓜機都會出大作, 拎傻瓜機既朋友, 隨時歡迎參加我哋既團呀! (不過Cheryl話其實佢係準備買大機呀!, ^=^ ^=^)http://picasaweb.google.com.hk/cheryl291/27Mar04Apr2010?feat=directlink#
　　
　　第三位要多謝既係 Amy, 第一次與妳共聚九天, 引發你以後都會跟我哋既團, 係我呢次工作既成績表 (壩上留咗一個位比你呀啦, 你記得六月要覆我呀!), 多d留意我呢個 MeMe Blog 啦!!
　　http://www.fotop.net/amyli/2010_Mar_Linzhi
　　
　　第四位要多謝既係 Mark, 以前團隊既失誤, 令你對我哋失去信心, 難得你願意再次比個機會嘗試, 我希望以後可以繼續為你服務, 仲有, 你響攪肚攪咗幾日既情況下, 依然影相第一, 攪肚第二, 呢種對攝影既 "堅持" 確係值得我地學習既 (曾經問過Mark, 不如安排車把他先送回酒店休息, 回覆是:睇下情況點先. 以為係睇下身體情況點, 原來係睇下沿途景色情況點喎), Mark 話已經因為身體不適, 最後果日已經無氣力啦, 所以由Ho Sir搵景, 佢就負責拍攝, 發揮互助精神, 係我哋團隊經常都有出現既.
　　呢條Link 係Mark 既出團Report (做得仲好過我果份添!!)http://www.markszeto.com/Mgallery/Blog/Entries/2010/4/15_Nightmare_in_Heaven.html
　　呢條Link 係淨林芝相片集
　　http://www.markszeto.com/Mgallery/Galleries_1/Pages/Tibet_Linzhi.html
　　
　　響度順祝 Dodie 身體健康, 再戰西藏 (個個團友既心聲黎既!)
　　
　　其他人使唔使多謝, 緊係要啦! 仲要代表埋司機們同埋小燕子多謝大家呢, 點解唔逐個講, 因為你地無相交囉, 快快交相過黎, 又加多一版寫埋你哋.
　　
　　加多幾張一瞓醒來既景象, 春天桃花團變咗冬天遍天風雪團, 影完相又咩好做, 你話呢 (每年冬日壩上我都會做既運動黎既!!)

29 個回應

[1]...[7][8][9]...[23]